بابكر سلك

بابكر سلك

كأس العالم

>  كأس العالم جميل، وذلك ليس محل خلافبابكر سلك >  كأس العالم جميل، وذلك ليس محل خلاف>  ولكن يختلف الجمال باختلاف زاوية النظر>  ناس يعشقون الفن>  آخرون يعشقون النجوم>  إن لم يكن نجماً بعينه>  وأناس يعشقون التنظيم الدقيق>  وبعض الناس يعشق السياحة عبر الكاميرا في الدولة المستضيفة>  وهناك من يعشق من كأس العالم مدرجاته>  وديل كتااار>  ناس المدرجات ممكن تعرفهم من رقابهم>  تلقاهم مصنقعين الكورة كلها>  تلقى الكورة أرضية>  وجماعتنا ديل مصنقعين>  وديل الوحيدين البتفرجوا بين الشوطين>  أمتع أوقاتهم عند إحراز الأهداف وبين الشوطين>  لأنو الكاميرا بتكون متجولة في المدرجات لتسرق التعابير>  سواء أكانت تعابير سعيدة أم حزينة>  واحد من عشاق المدرجات>  لما كرواتيا جابت قونها الأول في الأرجنتين>  والكاميرا جابت في كلوز مبدع أرجنتينية حزينة تسيل دمعة نققققطة من عينها واحدة وتقيف في وسط الدرب على منتصف الخد>  صاحبنا قال كُر عليَّ>  بدون ما يقصد والله>  عشاق المدرجات ديل بشجعوا الفريق بعد يشوفوا المدرجات>  بختاروا فريقهم وفقاً للمدرجات>  ما بهمهم تشكيلة الفريق فيها منو>  كل ما يهمهم المدرجات>  ولو اختاروا فريق بعينو>  بتمنوا يصل النهائي>  عشان تمشي معاهم مدرجات الفريق ده للنهائي.>  وناس المدرجات ديل بحسنوا الاختيار >  أصلهم ما بختاروا غلط>  وتجدهم أكثر الناس حزناً عند انتهاء كأس العالم وانفضاض المدرجات>  قلت لي واحد من عشاق المدرجات>  إن شاء الله السودان يشارك في كأس العالم القادم>  قال لي نشارك بي مدرجات منو ؟؟!>  كفاية الشايفنو في الهايسات>  كمان تجيبن لينا في الإستاد ?>  إن شاء الله نطير ونخلي مدرج كأس العالم للأحلى>  كلو زول وليهو زاويتو البنظر من خلالها لجمال كأس العالم>  في ناس بعشقوا ماركات الكدارات>  من حقهم>  وناس بتفرجوا في الحلاقات>  لكن من أجمل تعليقات الرواد على كأس العالم>  يوم كرواتيا غلبت الأرجنتين>  بعد القون التالت>  المخرج سرق لقطة لميسي حزييين وماعارف البعملوا>  محتار>  صاحبنا قال> قاعد سااااااااي .. ميسي الشيخ مدني>  المهم >  اليوم نتوقع قراراً تاريخياً من مجلس إدارة اتحاد الكرة>  القصة ما دايرة درس عصر>  ولا كانت محتاجة للجنة قانونية>  فالمبادئ يعرفها الجميع>  والمبادئ العامة خطوط حمراء>  وبرغم الضغوط على الاتحاد بقصد التأثير على القرار>  إلا أنني لا أتوقع من شداد (الهلالابي) أن يصدر قراراً يجمد به هلاله>  أي موازنات أخرى جائز>  والموت جائز>  المهم >  تحياتي واحتراماتي لأبي القوانين>  وبحب أذكرو>  الأمنيات ليست طموحات>  والطموحات لا تنزل لدرجة الأمنيات>  ولكن الدعوات>  إن ينصر الله الحق>  ويسيد القانون فينا>  ويولي الأصلح علينا>  وأن يستفيد المريخ من كل تلك الدعوات>  أيها الناس >  يتناقل الناس على وسائل التواصل خبر لعب المجلس بمحاضر الاجتماعات>  وبعضهم ذكر بأن هناك أدلة عبارة عن صور للمحاضر الأصلية والمحاضر المعدلة>  الكلام ده خطير>  إذا صح>  وتبقى سابقة مافي زول سبق عليها ناس أسد>  وتصبح وصمة تجعلهم يتوارون خجلاً ويأفلون من سماء مجتمع المريخ>  ولكن إذا صح>  غير ناس أسد>  منو الزول (ما داير أقول البوكلين) القاعد مع ناس أسد وبصور سراً محاضر الاجتماعات وأسرار العمل>  ثم يعود ليصور المحاضر المعدلة حسب ما ورد بأخبار الميديا ?>  زي ده يستحق العليق في موقف جاكسون والقطع من خلاف والجلد مائة جلدة دون رأفة والسجن المؤبد والغرامة قدر قروش كواسي وفي حالة عدم الدفع يعضوهوا في جضومو والإعدام شنقاً حتى الموت والجلد أربعين جلدة بعد الموت وقبل الدفن ولايدفن بمقابر المريخاب>  فهل وصلت الخيانة في مجتمعنا لهذا الدرك ؟؟؟!>  أما إذا كان الخبر مضروب..>  فيفترض أن نطبق كل تلك العقوبات على من ضرب الخبر>  الزمن ده المشاتل كترت>  المشاتل الرسمية ما مريحانا>  كمان جابت ليها مشاتل عشوائية ؟؟؟!>  أيها الناس>  إن تنصروا الله ينصركم>  آها..>  نجي لي شمارات والي الخرتوم>  كان شفت يا والينا>  المدارس قربت تجينا>  حق السنة الفاتت لي أسي ما سددناهو يا والينا>  الضيق شديد>  لي درجة بخلينا>  نهتف>  يقطع المدارس ويقطع سنيناسلك كهرباننساك كيف.. قال الحياة مدرسة أستاذها الظروف وحبرها الأمل..عيشوا ظروفكم والمابتقدروا عليهو خزنوهوه في خانة الأملوالى لقاءسلك

شاركنا برأيك

هل تتوقع أن يتجاوز الطاقم الاقتصادي الحالي الازمة؟

تواصل معنا

حالة الطقس بالخرطوم

Who's Online

550 زائر، ولايوجد أعضاء داخل الموقع

Search