بابكر سلك

بابكر سلك

دكتاتورية الديمقراطية

  الناس تعرف الدكتاتورية.>  الناس تعرف الدكتاتورية.>  وتعرف الديمقراطية.>  وتعرف دكتاتورية الديمقراطية.>  وتعرف ديمقراطية الدكتاتورية.>  والنوع الاخير ده مشهور شديد.>  ولكن. >  الحال في المريخ لا يسر صديقاً ولا عدواً. >   لأن العدو ذاتو لا يتمنى لنا حالاً كالذي نعيشه .>  لا اقول انشق المريخ .>  ولكن اقول تشقق المريخ. >  كل شق يتحيز لنفسه ويقدم البراهين على انه هو الأقوى. >  وهو الأصلح لأنه يقدم صالح الكيان على كل المصالح .>  الناس الآن ما بين مؤيد شدييييييد للوالي. >  وديل لا يرون المريخ بدون الوالي.>  وبين معارض شدييييد للوالي. >  وديل ما بشوفوا جميل في جمال. >  ينقط لهم العسل يقولوا ليهو مر. >   اما الشق التالت فهم انصار التسيير.>  هتافهم للمريخ واحد.>  سير سير بالتسيير .>  الشق الرابع هم انصار الشرعية. >  وديل في حد ذاتهم شقين. >  شق يناصر المجلس نكاية في المجالس السابقة. >  وشق يعشق الديمقراطية كقيمة ولا يهمه بقاء المجلس او ذهابه.>  كل ما يهمهم ان بقي يبقى بالديمقراطية.>  وان ذهب يذهب بها ولا يذهب بالقرارات الفوقية والتدخلات الحكومية ويكرهون الطرف التالت موت.>   كل الفئات دي فاتت عليها امور. >  الأمر الاول ان جمال ليس طرفاً في الصراع. >  الامر الثاني ان جمال لو رشح نفسه حتى في ظل العضوية التي يطلقون عليها محشودة سيفوز بالرئاسة. >   فالرجل تدعمه مواقف وانجازات. >  والكمال لله.>  الخطأ جائز. >  طالما العمل عمل بشر. >  ولكن كشف حساب الرجل ترجح فيه كفة العطاء على الكفة الاخرى. >  لذا حقو نبعد الرجل من صراع المرحلة ونحفظ له الود والجميل. >  المهم .>   ما يهمنا من الدكتاتوريات والديمقراطيات. >  هو دكتاتورية الديمقراطية. >  فمجلسنا الشرعي ينعم ويستمتع بالديمقراطية. >  ولكنه لا يمارسها في عمله.>  الامر داخل المجلس منتهى الدكتاتورية والآحادية.>  فسوداكال يرسخ لأبشع مقولة. >  طالما انا ادفع وحدي اذن انا اقرر وحدي.>  ويظهر ذلك في كثير من قرارات المجلس حتى التي تم عليها تصويت. >  الاصوات تدعم الرأي السوداكال طوااالي.>  وابرز مثال ما حدث عند شطب علي جعفر. >  الرجل لم يكن في قائمة الشطب. >  وفجأة قصة شطبو دي طلعت في رأس آدم. >  وعند اعتراض بعض اعضاء المجلس على الشطب.>  احيل الأمر للتصويت. >  فارتفعت الاصابع الجهوية لتدعم قرار سوداكال بشطب اللاعب في اسوأ مشاهد دكتاتورية الديمقراطية. >  فارتفاع الاصابع ما كان الا تبعية لصاحب الشيء. >  وهذا ما نكرهه في المريخ ولا نريد له وجوداً. >  ايها الناس. >  ان دكتاتورية الديمقراطية اسوأ من الدكتاتورية نفسها. >  لانها تهدر الديمقراطية كقيمة وتفقدها معناها. >  وعشان دكتاتورية الديمقراطية دي. >  مافي زول في المجلس ده عارف الفاوض المدرب منو. >  ولا في زول منهم شاف سيرة ذاتية للمدرب. >  ولا فيهم زول كان عارف المدرب بجي متين قبل تلفون آدم الاخير والذي طالب فيه باستقبال المدرب بالمطار. >  ولنفس السبب مافي عضو مجلس عارف المحترفين (الهاوين ) جايين متين. >  ولا في زول من المجلس اتصل بيهم. >  لانو مافي زول في المجلس يستطيع تجاوز سوداكال سيد الشيء. >  ولا يستطيع احدهم سؤال آدم. >  وقلة او انعدام خبرة آدم ودكتاتوريته هي السبب الاساسي في كثير من الاخفاقات والاخطاء المصاحبة لهذا المجلس. >  ضف الى ذلك. >  ان مزاجية سوداكال في السدادات تضعف دكتاتورية الديمقراطية التي يمارسها. >  وبالتالي ستقوده حتماً لمزيد من الاخفاقات ومزيد من الاعداء.>  وممكن تقود الناس للكفر بالديمقراطية وبآدم نفسه. >  وان كانت هذه قد حدثت فعلاً عند البعض. >  يا سوداكال. >  يا إمساك بمصروف. >  يا تسريح بزوغان.>  وإن رفضت. >  فإنك ذاهب وهم ذاهبون. >  بالقانون يا آدم. >  الذي يحافظ لنا على ديمقراطيتنا. >  بسحب الثقة. >  فنحن لن نسمح لكم بذبح الديمقراطية التي اتتنا منقادة تجرجر اذيالها.>  ايها الناس. >  من مظاهر دكتاتورية الديمقراطية التي يمارسها هذا المجلس. >  كلو زول بتصرف براهو.>  ودي يا آدم بتذكرني قصة الحاجب الشغال مع القاضي زماااان. >  قالوا القاضي كان بديهو الهدوم القديمة. >  حتى الشنطة القديمة بديها ليهو. >  زمان زمن الزمان زين القضاة كان بدوهم شنط مخصوصة زي ناس السكة حديد. >  تشوفها في اي حتة. >  تعرفها شنطة قاضي. >  أها.   الحاجب ده كان مسافر اهلو اجازة. >  اتشنط ليك بالعباية والعمة وشال الشنطة وركب الخلا.>  الخلا ولا سوداكال الفسل. >  اها في الطريق لقي قرية.>  قال نصلي معاهم المغرب. >  الجماعة شافوا الزي والشنطة قدموا صاحبنا يصلي بيهم. >  زولنا ما ناقش الفاتحة يا آدم. >  بحكي بنفسو عن الصلاة التي جعلت منه اماماً لاول مرة في حياتو للمظاهر الخداعة.  > قال قلتهم الله اكبر >  نسمعلك دننننن وراي >  قريتلهم ام حمدو (الفاتحة)>  قريتلهم ام قلابيز (احدى المعوذات).>  ورقد بيهم. >  وقلع بيهم. >  وبتا رقد بيهم. >  وكت قلت سلام عليكو. >  اتلفتت لقيت كلو زول بصلي وحيده وحيده. >  واظنك اذا قلت سلام عليكو يا آدم واتلفت. >  حاتلقى علي اسد بصلي وحيدو. >  وعلي ابشر بصلي وحيدو. >  والكندو بصلي وحيدو. >  وقريش بصلي في كرسي. >  ومادبو بصلي في فروة تحت برج ايفا المائل. >  وهيثم الرشيد بصلي وحيدو. >  حاتلقى شمس الدين بصلي وحيدو وقبلتو براهو كمان. >  لا لدكتاتورية الديمقراطية. >  وآخر وصايانا. >  يا امساك بمصروف. >  يا تسريح بزوغان. >  اين الاستثمار يا سوداكال؟؟ >  ايها الناس. >  نعترف بأن كل مجالس المريخ قد اهملت السنية.>  حتى في عهود الشرتيت الشديد. >  وهو سوء ادارة ليس الا. >  فالخرطوم يجني من بيع اللاعبين سنوياً المليارات. >  وهم وافد السنية عندهم. >  ولكن سمو العقلية الادارية عندهم هو ما يقودهم للاستفادة من تحجر العقليات الادارية عند الآخرين. >  يقوموا يبيعوا ويشتروا فينا. >  بعض الاشراقات فقط هي الموجودة في سنيتنا. >  ولكن نخلع القبعات لمتطوعين يحملون هم السنية ويعملون برغم اهمال المجالس. >  ويجدون التجريح والتشريح. >  اداريين كانوا او فنيين. > لهم جميعا الاحترام.>  ولكن هل فعلاً قام خالد تاج السر وطالب باخطار شمس الدين عضو المجلس بموقف ديدا قبل التسجيلات واهمل شمس الدين ذلك الكلام؟؟>  وهل فعلاً يا مجلسنا ان ديدا المتعاقد لم يستلم حقوقه العقدية؟؟>  وهل وهل وهل؟؟>  ابقوا معنا. >  ايها الناس. >  ان تنصروا الله ينصركم. >  اها. >  نجي لي شمارات والي الخرتوم. >  كان شفت يا والينا. >  في العيد كنا بنتمنى مافي زول يجينا. >  لانو لو شال قطعة حلاوة وكعكة وبسكويتة وشرب ببسي موبايل وموية صحة. >  بكون كلفنا سبعين الفاً يا والينا. سلك كهربا ننساك كيف والكلب قال العيد الجاي بتقفلوا البيوت مع الخروف الممكن يصل تسعة مليون ده.والى لقاء.سلك

شاركنا برأيك

هل تتوقع أن يتجاوز الطاقم الاقتصادي الحالي الازمة؟

تواصل معنا

حالة الطقس بالخرطوم

Search