بابكر سلك

بابكر سلك

حبوبتي قالت لي

>  مهما زغنا فإن حال الملعب والإستاد يزاول لينا ويحرجنا
>  وضع مخجل لا يتحمل التسويف ولا التخدير ولا المماطلة
>  الرأي عندي أن المسكنات لاتعالج المرض المزمن والخطير الذي أصاب الملعب والأستاد
>  نجيلة تعاني التساقط ومدرجات مصابة بالإيبولا الخطيرة
>  التبريرات فطيرة
>  والموضوع أكبر من المجلس الذي يفتقر للجرجير الكافي للعلاج الجذري
>  القصة قصة أمة وتحدي كرامة
>  إن لم نشارك فيه جميعاً لا علاج سيتم
> أيها الناس 
>  إن لم يعد فريق الكرة سريعاً لديدن الجماعية والغيرة
>  فإن فراق بطولة العرب حتماً سيحدث
>  أما فراق الممتاز المعتاد فسيصبح هذه المرة فراق الطريفي لي جملو
>  لذا يجب على الجميع إدراك وتدارك ذلك
>  أيها الناس 
> فيها أيه لو نقلنا مباراياتنا خارج الإستاد المعطوب لأسباب عديدة أهمها
>  السترة
>  فالقنوات تنقل الأحداث وتوثق للسوء الذي يسيء إلينا
> ومنها أيضاً الحفاظ على سلامة أولادنا من الإصابات وشرها
>  ولو نستأجر مفروش الى حين اكتمال الصيانة
>  أيها الناس
>  إخفاق مجلس الوفاق لاسمح الله لا يتبرأ منه أعضاء المجلس المنتخب
> لأنهم أعضاء في مجلس الوفاق ولا نقبل منهم الجلوس مكتوفي الأيدي والفرجة على المضافين
> إن أحسنوا في جاه الملوك ناس أسد يلوكوا
> وإن قصروا ناس شمس يلوموا
>  المسؤولية تضامنية
> أيها الناس
>  إن لم تصفى كل النفوس لن نتقدم
> و من أجل كيان عشقناه حقو نبطل حركات الشفع دي
> أيها الناس
> نستلف إستاد إن شاء الله من الهلال
> بي كلابو دي نستلفوا
> أصلو الهلال قعد ساي
> لحدي أسي خرج من تلاتة بطولات ولسه الموسم ما انتهى
>  خرج من الأبطال والكونفدرالية والسودان
>  وعلى ذكر الهلال الشقيق
> أكتب قبل مباراته أمام المصري
>  اتوقعها مباراة للتاريخ
>  لن تنسى
>  سيسجل أبو الهل رقماً قياسياً جديداً بالكونفدرالية
> يا خبر بفلوس
>  أيها الناس
>  بالأمس طالعتنا الأخبار باعتداء وحشي جديد على طفلة بالأبيض
> اغتصاب وكسر رقبة
> اعتداء على طفلة وحيدة أبواها
>  لماذا؟ ؟؟
> هكذا كان سؤال بعضنا
> المافي شنو والمعدوم شنو ؟
> هكذا كان سؤال البعض الآخر منا
>  لكن لمتين ؟؟؟
> هكذا كان سؤالنا كلنا
>  أما آن أوان إبادة تلك الذئاب إبادة نهائية؟ ؟؟؟
> قلوبنا مع الطفلة المجني عليها ومع أمها وأبوها بالذات وهي وحيدتهما
> ونناشد الشرطة في سرعة فك طلاسم الجريمة وتقديم الذئب او الذئاب، بل كل الذئاب على طبق المشنقة للقضاء
> مجتمعنا يحتاج لدراسة بفراسة
> ما كنا كده
> ما لكم يانااااااس!!!!
> المهم
>  الأستاذ سعيد يدي المحامي الضليع والرجل القامة واستقامة
>  بتونس معاي قال لي كنت بتونس مع حبوبتي قالت لي يا سعيد يا ولدي الحج بي تسعين مليون واللوتري مجاني وبدوك التذاكر ساي
>  قلت ليها صاح يا حبوبة
>  قالت لي أسي عليك الله الكافر منو؟
 > المهم
> الكهرباء قامت على حركاتها
>  قطعت مننا الساعة اتنين صباحاً وماجات للحظة البكتب فيها في العمود ده
> قطعت والحتة صنت إلا من صدى الهتاف
> السد السد
> الرد الرد
>  وكان سداً منيعاً ورداً مقنعاً
> وناس الكهرباء ديل حقو يعرفوا إننا بنحتاج للكهرباء بالليل ما للضوء بقدر حاجتنا لها لطرد الباعوض بالمراوح لأنو مبيد بي مليون ونص شهرياً أكيد ما بنقدر عليهو مع العيشه البي ألف والوزن نص
> قطعت الكهرباء وجانا الباعوض طافي النور
>  فيهو موديل جديد كاتم صوت كمان
> باعوضة بدون طيار
> وبقي الحل يانخرش يا نخربش
>  راعوا لينا يا ناس الكهرباء
>  وعلي ذكر قطعت الكهرباء تطل مشاكلنا
> الفلس والعيش والغلاء والمدارس والكوارث وسعر الصرف وخور الصرف والصرف الصحي وصحة الصرف والصحة الصرفية... الخ الخ الخ الخ...!
> في شيلة العرس موش الناس بتجيب دستة دستة او ستة ستة او تلاتة تلاتة
>  تلاتة تياب
> تلاتة لبسات
> تلاتة شباشب
>  تلاتة شنط
>  و تلاتة
> اي شيء تلاتة
>  في الغلاء الناس الحريفين بدفعوا مبلغ بسموهوا متكفي
> أهل العروس بتورطوا في القصة
>  آها
>  مشاكل البلد دي مابتتعالج مشكلة مشكلة
>  مابتتعالج إلا متكفي
>  اللهم أكفينا شر الشرور وحل مشكلتنا جذرياً
> جذرياً يا أرحم الراحمين
> أيها الناس
>  إن تنصروا الله ينصركم
>  آها
> نجي لي شمارات والي الخرتوم
> كان شفت يا والينا
>  برغم الضبان والباعوض والطين الفينا
> أمس شفع ناس المعارضة كانوا بقولوا
>  يا ميطيرة صبي لينا
> دايرين يطمبجوها يا والينا
سلك كهربا
ننساك كيف والكلب قال هي ويني الكهربا ياسلك
والى لقاء
سلك

شاركنا برأيك

هل تتوقع أن يتجاوز الطاقم الاقتصادي الحالي الازمة؟

تواصل معنا

حالة الطقس بالخرطوم

Who's Online

459 زائر، ولايوجد أعضاء داخل الموقع

Search